A Fundación establece criterios propios de trazabilidade na orixe e o destino dos fondos económicos propios, baixo os principios das finanzas éticas, sociais e solidarias.
No caso da orixe, quedan completamente excluídas as que teñan a súa orixe en:
- A produción e venda de armamento e as prácticas económicas que denigren ás persoas e que potencien os xogos e casinos.
- O apoio a réximes políticos ditatoriais.
- A utilización de man de obra infantil, violación das normas de seguridade e saúde no traballo, realización de expedientes de redución de persoal inxustificados, carencia de normas de igualdade de acceso a postos de traballo ou de conciliación da vida persoal e laboral.
- A destrución do medio ambiente, contaminación do chan, auga, o aire, produción e distribución de pesticidas, produción de enerxía nuclear, etc
- A experimentación con animais
- A especulación financeira e a utilización de paraísos fiscais.
- Agricultura intensiva, biotecnoloxía e manipulación xenética.
- O uso de madeira tropical como materia prima ou a talla de bosques tropicais.
- Un comportamento comercial e publicitario tendencioso, e mediante a manipulación dos consumidores.
- Calquera modo de clientelismo político e corrupción.
- Os monopolios económicos.
Ao mesmo tempo, o destino dos fondos económicos da Fundación só poden ter por obxecto os fins sociais para a cal foi creada, cos seguintes criterios positivos:
- A creación de emprego estable e de calidade, con especial preferencia polas cooperativas, entidades de economía social e solidaria e empresas e iniciativas de inserción laboral de colectivos en dificultades.
- A produción de bens e a prestación de servizos de calidade e a prezos alcanzables, primando no posible a utilización de materiais naturais ou da menor elaboración.
- A articulación de mercados sociais e de modelos económicos baseados na intercooperación e as prácticas da economía solidaria.
- A prestación de servizos de calidade e outras axudas a persoas con diversidade funcional.
- A conservación e reprodución da enerxía mediante a utilización de fontes sustentables e non contaminantes ou a realización de actividades que potencien aquelas, como a rehabilitación de vivendas utilizando criterios de sustentabilidade e aforro enerxético.
- A reciclaxe de materiais e produtos, así como do seu empaquetado e a minimización de residuos.
- A redución dos procesos de distribución, en especial do transporta a longas distancias.
- A adopción de políticas ambientais e apoio a iniciativas sociais.
- Iniciativas a favor do desenvolvemento local.
- A igualdade de oportunidades de xénero nas súas actividades de produción de bens e prestación de servizos.
- A transparencia na xestión económica e financeira.
- As relacións internacionais transformadoras, baseadas na colaboración horizontal, coas áreas económica e socialmente precarias de calquera localización xeográfica.
- As accións que conduzan ao empoderamento das minorías desfavorecidas residentes no Estado español.