Fundazioak trazabilitate-irizpide propioak ezartzen ditu bere funts ekonomikoen jatorrian eta xedean, finantza etiko, sozial eraldatzaileen printzipioen arabera.
Jatorriaren kasuan, guztiz bazterturik geldituko dira jatorri hauek dituztenak:
- Armak ekoitzi eta saltzea, eta pertsonak iraintzen dituzten eta jokoak eta kasinoak sustatzen dituzten praktika ekonomikoak.
- Diktadurako erregimen politikoak babestea.
- Haurrak lanerako erabiltzea, laneko segurtasun- eta osasun-arauak haustea, justifikaziorik gabeko plantilla murrizteko espedienteak egitea, lanpostuak eskuratzeko edo bizitza pertsonala eta lan-bizitza uztartzeko berdintasun-araurik ez izatea.
- Ingurumena suntsitzea, lurzorua, ura, airea kutsatzea, pestizidak sortu eta banatzea, energia nuklearra sortzea, etab.
- Animaliekin esperimentatzea.
- Finantza-espekulazioa eta paradisu fiskalen erabilera.
- Nekazaritza intentsiboa, bioteknologia eta manipulazio genetikoa.
- Zur tropikala lehengai gisa erabiltzea edo baso tropikalak botatzea.
- Merkataritza- eta publizitate-portaera alderdikoia, eta kontsumitzaileen manipulazioaren bidezkoa.
- Klientelismo politiko eta ustelkeria mota guztiak.
- Monopolio ekonomikoak.
Halaber, Fundazioaren funts ekonomikoen xede izan daitezke Fundazioaren sorreran finkatutako helburu sozialekin bat datozen ekimenak, irizpide positibo hauek dituztenak:
- Enplegu egonkorra eta kalitatezkoa sortzea, bereziki kooperatibak, ekonomia sozial eraldatzaileko entitateak eta zailtasunak dituzten kolektiboak laneratzeko enpresak eta ekimenak.
- Ondasunak ekoiztea eta kalitatezko eta prezio eskuragarriko zerbitzuak ematea, ahal den neurrian material naturalak erabiltzea lehenetsiz edo ahalik eta gutxien landuz.
- Elkarlanean eta ekonomia eraldatzailearen praktiketan oinarritutako merkatu sozialak eta eredu ekonomikoak artikulatzea.
- Dibertsitate funtzionala duten pertsonei kalitatezko zerbitzuak eta beste laguntza batzuk ematea.
- Energia kontserbatu eta ekoiztea, iturri jasangarriak eta ez-kutsatzaileak erabiliz, edo iturri horiek bultzatzen dituzten jarduerak eginez, hala nola etxebizitzak zaharberritzea, iraunkortasun eta energia aurrezteko irizpideak erabiliz.
- Materialak, produktuak eta haien paketeak birziklatzea, eta hondakinak minimizatzea.
- Banaketa-prozesuak murriztea, bereziki distantzia luzeko garraioa.
- Ingurumen-politikak ezartzea eta gizarte-ekimenei laguntzea.
- Tokiko garapenaren aldeko ekimenak.
- Generoen arteko aukera-berdintasuna ondasunak ekoizteko eta zerbitzuak emateko jardueretan.
- Kudeaketa ekonomiko eta finantzarioaren gardentasuna.
- Nazioarteko harreman eraldatzaileak, lankidetza horizontalean oinarrituak, munduko edozein tokitan ekonomikoki eta sozialki egoera larrian direnekin.
- Espainiako estatuan bizi diren gutxiengo behartsuak ahalduntzeko ekintzak.