Duela hamar urte, Coop57k hazi bat erein zuen, babestu ahal izateko ekonomikoki bideragarriak diren ekimenak, baita errealitatea eraldatzeko ezinbestekoak diren baina finantzaketa-eredu tradizionalekin bat ez datozen proiektuak ere.
Horrela sortu zen Coop57 fundazioa.

Harrezkero, zaintza-proiektuak, ekimen kulturalak, komunitarioak eta nazioarteko elkartasunekoak babestu ditugu, eta irabazizko logikak alde batera utzita bizitzari eusten dioten espazio eta alternatiben autokudeaketa bultzatu dugu.
Orain errotzen jarraitu nahi dugu. Komunitatea, interdependentzia, bizitza duinak, autonomia eta etorkizun desiragarriak proiektatzea ahalbidetuko diguten alternatibak errotzen.

Eusten gaituzten eta elkarrekin eraikitzen jarraitzeko aukera ematen diguten sustraiak elikatzen jarraitzera animatzen zaitugu, donazio baten bidez.

Eskerrik asko gurekin jarraitzeagatik!

Kanpainak, termino globaletan, dagoeneko 282.478 euro bildu ditu, lehen sei hilabeteetan mila dohaintza gaindituz.

Zestoako Amilibia baserria eta bere lurrak eskuratzea eta bertan elikadura burujabetzari loturiko laborantza proiektu agroekologikoak martxan jartzea; horixe du helburu Biolur elkarteak. Horretarako, besteak beste, abenduan ekin zion interneteko diru bilketa kanpainari eta maiatza bukaera arteko epea finkatu zuen. Helburuari zenbaki bat jartzerakoan, erronka handia planteatu zuen: 150.000 euro lortzea internet bidezko kanpainan, bide honetatik lortutakoa ez da makala: 142.604 euro. Diru kopurua bezainbeste baloratzen dute proiektuari ekarpena egin dion komunitate zabala. Zenbakiak xehe azaldu nahi dituzte, ohar honen bidez.

Gehiago Irakurri “Amillubi proiektuak 190.000 euro batu ditu herritar eta eragileei esker lehenengo sei hilabetetan”